DataFest Tbilisi doirasida BBC Monitoring jurnalisti Sandro Gvintadze sun’iy intellekt yordamida hujjatli komikslar yaratish bo‘yicha mahorat darsi o‘tkazdi. U bir sahifa komiks yaratish uchun o‘rtacha 24 soat vaqt ketishini ta’kidladi.
Texnologiyaning imkoniyatlariga qaramay, jarayon to‘liq avtomatik emas: minglab tasvirlar yaratishni nazorat qilish va ularning tafsilotlarini aniqlashtirish zarur.
"Agar siz rasm chizolmasangiz yoki rassom yollash imkoningiz bo‘lmasa, bu yaxshi yechim bo‘lishi mumkin, lekin bu katta mehnat talab qiladi. AI mo‘jiza qilmaydi," dedi Sandro. U o‘z tajribasini "Gruziya politsiyasi Yevropa tarafdorlari namoyishini qanday bostirdi" nomli ishiga asoslanib tushuntirdi.
Sandroning so‘zlariga ko‘ra, obrazlarning ishonchliligi va haqqoniyligini ta’minlash muhim. Har bir qahramon asosiy manba - fotosuratdan foydalanib raqamli san’atga aylantiriladi.
Qat’iyatni saqlash uchun kiyim-kechak, aksessuarlar, buyumlarning joylashuvi, hissiyotlar va hatto kamera uslubi kabi barcha tafsilotlar aniq ko‘rsatilishi kerak. Sandro ta’kidlashicha, haqiqiy insonlar bilan ishlashda ularning to‘liq roziligi olinishi zarur, ayniqsa, voqealar travmatik bo‘lsa.
"Agar odam rozilik bermasa, loyiha to‘xtatiladi. Biz zo‘ravonlik yoki travma bilan bog‘liq voqealarda sun’iy intellektni ruxsatisiz qo‘llay olmaymiz," dedi u.
AI yordamida yaratilgan komikslarni o‘qiyotgan yoki tomosha qilayotgan odamlar tasvirlar sun’iy intellekt yordamida yaratilganini, haqiqiy fotosurat yoki videolar emasligini tushunishi lozim. Bu ochiqlik auditoriyaning ishonchini saqlashga, faktlarni vizual talqinlardan farqlashga va dezinformatsiya ayblovlaridan himoyalanishga yordam beradi.
Komikslar yaratishda Sandro bir nechta vositalardan foydalanadi. Shuningdek, u AI bilan ishlashda quyidagi jihatlarni hisobga olishni tavsiya qildi: tasvirlarni ko‘pincha kiyim, aksessuarlar yoki yuz ifodaci kabi tafsilotlarni aniqroq qilish uchun qayta ishlash kerak.
Aniqlik va etika muhim ahamiyatga ega: agar biror kishi do‘pposlangan yoki zarar ko‘rgan bo‘lsa, dramatizatsiya qilish uchun voqealarni bo‘rttirib ko‘rsatish mumkin emas. Barcha tafsilotlar haqiqatga mos bo‘lishi kerak.
Комментариев нет